2009-XI-11: don sifon

bigarren nahasketa eguna. atzo gauza bakoitza igo eta jeistearekin, guztia pixkat lekuz kanpo geratu zela iruditu zitzaigun gauean etxean egindako entzunaldietan. eta gaur goizean josemak guztiari beste buelta bat eman dio emaitza hobea lortuz. honetaz gain "bad brains" abestia prestatzeari ere ekin dio, eta eguerdian estudiora heldu garenena, "arctic monkeys"-en bertsio berria, eta "bad brains" entzuteko aukera izan dugu.
lehenari erabateko onespena eman diogu, indartsua dela, eta gauza bakoitzak bere lekua hartu duela iruditu zaigu.

bigarren kantuaren hainbat entzunaldi egin ostean, aurrekoaren oinarria mantenduz baina ñabardurei dagozkien ikutu ezberdinak emanez, abesti hau ere txukun geratu zaigula iruditzen zaigu.

gauzak honela, hirugarren abesti bat nahasteari ekin diogu, "dut". aurrekoekin alderatuz, ñabarduretan baino, atmosfera osoan ezberdina den kantu bat da. momentu biziak eta lasaiak tartekatzen ditu, eta nahasterako orduan planteamendua pixkat ezberdina da, nahiz eta oinarriaren soinuak antzekoa izaten jarraitzen duen.
abesti honi ere entzunaldi ugari, eta aldaketa batzuk egin ostean, gaurkoa amaitutzat eman dugu.

bukatu baino lehen aipatzea gaurko izenburua beste batzutan bezala gaurko meriendaren islada dela. zubiateren bazkari meriendaz gain, elementu oso frikiak dastatzeko aukera izan dugu...